സിനിമ മാത്രമല്ല ടിവി ഷോകളും സീരിയലുകളും പാട്ടുകളുമെല്ലാം സൗജന്യമായി ഡൗൺലോഡ് ചെയ്യാൻ ഈ സൈറ്റ് അവസരമൊരുക്കിയിരുന്നു. ലക്ഷക്കണക്കിനു രൂപയുടെ പരസ്യവരുമാനവും വെബ്സൈറ്റ് സ്വന്തമാക്കി. നിർമാതാക്കൾക്കുണ്ടാക്കിയ നഷ്ടമാകട്ടെ കോടികൾ വരും. Putham Pudhu Kaalai, Varmaa, Nishabdham, Ka Pae Ranasingam, Gulabo Sitabo, Sufiyum Sujathayum, Gunjan Saxena, Sacred Games, Dark, Rasbhari, Bulbbul, Paatal Lok, Aarya, Penguin, Chintu Ka Birthday, Choked, Raktanchal, Betaal, Illegal, Family Man, Extraction, The Raikar Case, Hundred, Hasmukh, Money Heist, The Lion King, Frozen 2 തുടങ്ങിയ ചിത്രങ്ങളും സീരീസുകളും അടുത്തിടെ റിലീസിനു പിന്നാലെ തമിഴ്‌റോക്കേഴ്സിൽ പ്രത്യക്ഷപ്പെട്ട് വിവാദമായതാണ്. Tamil, Telugu, Hindi, English, Malayalam, Kannada തുടങ്ങിയ ഭാഷകളിലെ സിനിമകളായിരുന്നു പ്രധാനമായും തമിഴ്‌റോക്കേഴ്സിന്റെ വലയിൽപ്പെട്ടിരുന്നത്.
എന്താണ് സംഭവിച്ചത്?
വിഷയത്തിൽ ആമസോൺ നേരിട്ട് ഇടപെട്ടതോടെയാണ് ഗൂഗിളിൽനിന്ന് തമിഴ്‌റോക്കേഴ്സിന്റെ ഡൊമെയ്ൻ നെയിം തന്നെ സസ്പെൻഡ് ചെയ്യപ്പെട്ടത്. ഇന്റർനെറ്റ് കോർപറേഷൻ ഓഫ് അസൈൻഡ് നെയിംസ് ആൻഡ് നമ്പേഴ്സ് ((ICANN)) വഴി തുടരെ ഒട്ടേറെ നോട്ടിസാണ് സൈറ്റിന്റെ പ്രവര്‍ത്തനം നിർത്താൻ ആമസോൺ അയച്ചത്. യുഎസിലെ ഡിജിറ്റൽ മില്ലെനിയം കോപ്പിറൈറ്റ് ആക്ട് ((DMCA))പ്രകാരമായിരുന്നു നോട്ടിസുകൾ. കോപ്പിറൈറ്റ് നിയമലംഘനം നടന്നെന്ന് ഉറപ്പായാൽ ഇന്റർനെറ്റ് സർവീസ് പ്രൊവൈഡറോ, ഹോസ്റ്റിങ് കമ്പനിയോ സൈറ്റ് ഓഫ്‌ലൈനാക്കും. അതാണ് സംഭവിച്ചതും.
ഇനി തിരിച്ചു വരവില്ലേ?
നേരത്തേയും തമിഴ്‌റോക്കേഴ്സിന്റെ ഡൊമെയിൻ സസ്പെൻഡ് ചെയ്യപ്പെട്ടിട്ടുണ്ട്. എന്നാൽ വാലറ്റത്തെ ഡോട്ട് കോം, ഡോട്ട് ഇൻ, തുടങ്ങിയവ മാറ്റി പുതിയ ഡൊമെയ്നുകളോടെ രംഗത്തെത്തുകയായിരുന്നു ഓരോ തവണയും. അവസാനമായി ഡോട്ട് ഡബ്ല്യുഎസ് (http://tamilrockers.ws) ആയിരുന്നു. ഒക്ടോബർ 22 വരെ തമിഴ്‌റോക്കേഴ്സിനെപ്പറ്റിയുള്ള പുതിയ ഒരു വിവരവും പുറത്തു വന്നിട്ടില്ല. നേരത്തേ തമിഴ് നടൻ വിശാൽ ഉൾപ്പെടെ ഈ പൈറസി സൈറ്റിനെതിരെ സൈബർ സെൽ മുഖാന്തിരം നടപടിക്കു ശ്രമിച്ചെങ്കിലും യാതൊന്നും നടന്നില്ല. സിനിമാലോകത്തെതന്നെ വെല്ലുവിളിച്ചുള്ള തമിഴ്‌റോക്കേഴ്സിന്റെ പ്രവർത്തന രീതി പോലും ഇന്നേവരെ കണ്ടെത്താനായിട്ടില്ല, ആരാണ് ഇതിനു പിന്നിൽ പ്രവർത്തിക്കുന്നതെന്നും.
കാര്യങ്ങളിങ്ങനെയൊക്കെയാണെങ്കിലും തമിഴ്റോക്കേഴ്സ് തിരികെ വരാനുള്ള സാധ്യത തള്ളിക്കളയാനാകില്ലെന്ന് സൈബർ വിദഗ്ധർ പറയുന്നു. ഓരോ തവണ തിരികെ വരുമ്പോഴും ട്വിറ്ററിലൂടെയാണ് വെബ്സൈറ്റിന്റെ പിന്നണി പ്രവർത്തകർ തിരിച്ചുവരവ് പ്രഖ്യാപിക്കുക. പക്ഷേ ഇത്രയും നീണ്ട് ഇതുവരെ തമിഴ്റോക്കേഴ്സ് ‘ഒളിവിൽ’ പോയിട്ടില്ലെന്നതാണ് ഇത്തവണ ചലച്ചിത്രപ്രവർത്തകർക്ക് ആശ്വാസം പകരുന്നത്.
Keywords: Is tamilrockers banned, is tamilrockers back, Latest Movies Download Piracy Website, Amazon Prime Movies, Netflix Latest Movies, OTT Movies, tamilrockers malayalam 2020, tamilrockers latest, tamil rockers banned
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ